Դեսպան Տիգրան Մկրտչյանը հանդիպել է Հունաստանի կրթության և կրոնական հարցերի փոխնախարար Անգելոս Սիրիգոսի հետ

23 մարտի, 2022

Փետրվարի 23-ին Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Հունաստանի կրթության և կրոնական հարցերի փոխնախարար Անգելոս Սիրիգոսի հետ։

Փոխնախարար Սիրիգոսի հետ դեսպանը քննարկել է կրթության և գիտության ոլորտում Հայաստանի և Հունաստանի միջև հարաբերություններն ընդլայնելու հեռանկարները։ Դեսպան Մկրտչյանը շնորհակալություն է հայտնել Հունաստանի կառավարությանը՝ տարիներ շարունակ հայ ուսանողների համար կրթաթոշակներ հատկացնելու համար։ Միաժամանակ դեսպանը խոսել է նման կրթաթոշակային ծրագրերն ընդարձակելու հնարավորությունների, ինչպես նաև համալսարանների միջև համագործակցության ակտիվացման, գիտնականների փոխանակման ծրագրերի մասին։

Փոխնախարար Սիրիգոսը պատրաստակամություն է արտահայտել նշված ուղղություններում Հայաստանի հետ համագործակցությանը նոր թափ հաղորդելու հարցում՝ ընդգծելով, որ գիտակրթական ոլորտում Հայաստանի և Հունաստանի միջև համագործակցության հնարավորությունները մեծ են։

Զրույց է ծավալվել նաև 2022 թ․ «Մեծ աղետի» 100-ամյակին նվիրված միջոցառումների մասին։ Դեսպան Մկրտչյանը ներկայացրել է տարվա ընթացքում դեսպանության կողմից իրականացվելիք մի շարք նախաձեռնություններին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր